Igore

Inyandiko ya Thierry Manirambona,sj

Akigoro k'umwe umwe wese karakenewe muri ino misi)

Igore
Uko wigora ni nako ugabana, ukagabirwa
Uwo wigoreye siwe akwishura 
Ijuru niryo ryandika igikorwa wakoze mw’ibanga
Rigaheza rikakugenera ibigukwiye
Igore ugabe, igore uko bukeye uko bwije
Ingorore y’ukwigora, ni ukwamana akanyamuneza
Kava k’ugutanga ataco urindiriye kuronka
Agakemanyi watanzemo
Ugahereza umworo, ugahereza imfuvyi, ugahereza umupfakazi
Ni nk’agacanwa ucaniye Umukama, 
Iyo wigoye uba ukomye icoto, Imana nayo ntiheza ngo isinzire
Igore, ufungure iminwe, utange utitangiriye itama
Utange urukundo, utange akanya ko kumviriza
Utange umutima, utange amaboko
Imperezwa yawe ijane n’akamwemwe
Igisabisho cawe kinogere Imana
Igore utange, igore wakire
Wakire imiruho y’abagowe, wumve imiborogo y’abarira
Ntuhindukire uhuje amaso n’ugusega urukundo
Ntiwinube ikiganza c’umunyamibembe
Ntiwirengagize amaganya ya mugenz’awe
Igore utege amatwi
Ijwi ry’Imana n’iry’umukene binama rimwe
Igore… Imana izoguhezagira
Ariko ntuze… Igore!

Comments

[tonton Sirki]

guma guma

[zeraction]

Urakoze cane